مارايكم في هالجيل ادخل

أول شي أنا إخترت هذا الإسم من القهر اللي فيني
على العموم
رح اقولكم وشهو موضوعي وأطرح عليكم شوية أسئله وبعدين رح أبدي وجهة نظري وأبغى بعدين أسمع آراءكم

أول شي

وش رايكم في هذا الجيل ؟

وهل أنتم متفائلين بظهور جيل جديد أفضل منا أو رح يتحسن هذا الجيل بعصى سحريه إن صح التعبير؟

ندخل في موضوعنا اللي رح أبدي فيه وجهة نظري
صحيح الموضوع طويل ولاكنه مليئ بالقصص والعادات اللتي تسود منها القلوب


أنا أقول إن هذا الجيل جيل سيئ جداَ لأبعد الحدود وحنا الآن نازلين في منحدر من الضلال واللامبالاه والإنحراف عن أبسط مقومات الدين الإسلامي


أبدء موضوعي بقصه لأحد أصدقائي سابقاَ إسمه محمد

يوم وأنا أتمشى وبعد غيبه طويله شوي عن محمد شفته صار ملتحي بعد ماكان داشر وكان يحبله ولد مثل ما الشب يحبله بنت
المهم قلتله ماشاء الله يامحمد أشوف لحيه
أنا ظنيت إن ربي هداه وفرحت والله
أثراها اللحيه مو لوجه الله
بكل بساطه رد علي محمد وهو زعلان والحزن واضح على وجهه
يقولي تذكر خويي يامشعل قلتله وش فيه
قالي تهاوشنا وتركني وربي مارح أقص اللحيه إلا لين يرجعلي


أبسألكم سؤال
أمانه التفله هل تستخسروها في مثل هذا الإنسان؟
والله أنا عن نفسي أستخسرها فيه التفله تبل الريق واااااااع

يعني نشوف في هذا الجيل ظهرت هذي الأشياء وإنتشرت الولد يحب ولد والبنت تحب بنت وتعجب فيها إلا حد الموت وبهالشكل هذا





نقطه ثانيه اللباس أو المظهر الخارجي إن صح التعبير

شباب هالأيام ماشاء الله ياحليلهم قصات شعر غريبه تلقى شعره مثل ليفة غسيل الصحون وقاصه مثل عش الغراب وفرحان على روحه وراكب دباب عباره بروس ويلس
واللي مطول شعره وحاطط شباصه واللي واللي واللي ... الخ
وبلاطين ساحله وقمصان مقطعه ومفتحه البنت تستحي تلبسها وألوانها فسفوري وأصفر وربي تجيب عور العيون


وبالنسبه للبنات طبعاَ المظهر الخارجي رح يكون العباءه اللي المفروض تكون للستر كما أمرنا الله
الحين تعال وشوف العبي ضيقه عليها ورود ومفتوحه مدري ليش متعبين روحهم ولابسينها
والشيله والبرقع صاروا تفنن
وعلى قولة المثل من برى هالله هالله ومن جوى يعلم الله تلقى شكلها أستغفر الله العظيم ولابسه هالأشياء
وكل هذا ليش
علشان يلفتون أنظار الناس

وين راحت عباة الراس واللباس المحتشم
وين راحت ذيك الحرمه اللي لامر رجال في طريق تجلس على الأرض لين يمر علشان مايشوفها وهي تمشي

وييييه هالأيام النسوان صاروا يحلقوا عند حلاقين أتراك في صالونات الرجال وفي وحده من عائله عريقه عندنا مانبغى نذكر الإسم طبعاَ تدخل صالون الرجال والحلاق يقفل المحل ويحلقلها
يعني شوفوا لأي حد وصل هالجيل في الإنحدار



تلقى الصلاه تقام والشباب دايرن بسياراتهم والأغاني بأعلى صوت
طيب يا أخي إذا ماتبغى تصلي لاتزعج الناس
وهذا إستهتار في كلام الله تعال وفي الناس اللي يصلون


رح أقول كم بيت في نهاية كلامي اللي أنهيته لأني مشغول ورح أكمله معكم إنشاء الله


شبابنا ضاعوا ورى ليلِ عتيم ............ وباعوا أصالتهم برخص وغيروا نهج الكبار
الوقت ضايع والبطله فعلها فينا مقيم ............ وأكبر مشاغلنا مسج ونرشح السوبر ستار
في هالزمن ماعاد تعرف من الكريم ومن اللإيم.......... في هالزمن كل شي توجه بئتجاه الإنحدار
عادي إذا شفت المطر في هالزمن من دون غيم ......... وعادي تقبلها . ترى النار تبدى من شرار
الله يثبتنا على نهج الصراط المستقيم .......... والله يحسن خاتمتنا في زمن صاير دمار



رح أكون متشائم معكم لأني متأكد إنه مافي أمل بظهور جيل أحسن بل سيظهر جيل أسوء وأسوء إلى نهاية الدنيا
وكما أخبر الرسول صلى الله عليه وسلم إنه في نهاية الزمان رح يكون القابض على دينه كالقابض على جمر

شوفوا شلون مستحيل أحد يمسك جمره بيده رح يكون مستحيل أحد باقي على هالدين هذا نادر جداَ


نسأل الله العافيه والعياذ من النار


والحين أبغى أسمع قصص وعادات منكم عن هذا الجيل الجميل جيل المستقبل

يسلموووو على المموضع